കതിരണിപാടം :
കാറ്റൊന്നു വീശിയാല് താളം പിടിക്കുന്ന
വയല് പൂക്കളെ കണ്ടുവോ നീ
എത്ര ശ്രമിച്ചിട്ടും മാഞ്ഞു പോകാത്തൊരു
കതിരണിപാടമിനിയെന്നു കാണും
കണ്ണിനും കാതിനുമുല് സവമായ്
കൊയ്ത്തുപാട്ടിനിയെന്നു കേള് ക്കും
ഓര് മ്മകള് മാത്രമായ് മാറുന്നൊരീ
കൊയ്ത്തരിവാളിനിയെന്തിനു വേണ്ടി
നേരം ചികയേണ്ടിനി വിത്തു വിതയ്ക്കുവാന്
കാലം കാക്കേണ്ട കൊയ്ത്തിനിറങ്ങുവാന്
വിള്യൊന്നും കാക്കാനായ് കാവല് നില് ക്കേണ്ട
മഴയൊന്നു പെയ്താല് നെഞ്ഞു പിടയേണ്ട
കിട്ടിയ പൈസയ്ക്കു വിറ്റൊഴിയുമ്പോള്
കണ്ണീര് പൂക്കളെ കാണാത്തതെന്തേ
നേടുവാനാകില്ലൊരു നാളിലും ഈ
സ്വപ്നസുന്ദര സ്നേഹസം ഗീതം
Subscribe to:
Post Comments (Atom)
No comments:
Post a Comment