ഒരു സ്വാന്തനം :
്‌്‌്‌്‌്‌്‌്‌്‌്‌്‌്‌്‌
ഒരു സ്വാന്തനത്തിനായെന്നില്‍ പിടി മുറുക്കവെ
അറിയുന്നില്ലെനിക്കെന്തു ചൊല്ലണമെന്ന്
നീറിപ്പിടയുമാ മനസ്സിന്‍ തേങ്ങലുകള്‍
കേട്ടില്ലെന്നു നടിക്കാനാകുന്നില്ല
ആരുമില്ലിനിയാശ്രയമെന്ന അറിവിന്‍ മുന്നില്‍
സ്വന്തമാം പിന്ചു പൈതങ്ങളെ മാറോടണക്കി
പകച്ചിടുവാന്‍ മാത്രമേ അവള്‍ ക്കാകയുള്ളൂ
നിര്‍ ലജ്ജം കേഴുവാന്‍ മാത്രമേ അറിവതുള്ളൂ
ഒരു നിമിഷത്തിന്‍ ദൌര്‍ ബല്യത്തില്‍
വലിച്ചെറിഞ്ഞൊരു ജീവിതത്തെ
മുറുകെ പുണരുവാന്‍ വഴിയേതുമില്ലാതെ
പകച്ചു നില്ക്കയാണീ സാധുവെന്നറിവില്‍
നല്‍ കീടട്ടെ ഒരു സ്വാന്തനം
വാക്കുകളാല്‍ അറിയിക്കട്ടെ സ്നേഹ സാമീപ്യം
ഒരു ജീവസ്പര്‍ ശമായ് അറിയട്ടെ
ഞാനാ മൌന നൊമ്പരം
മരണത്തെ പുല്കി പോയവനറിയതെ പൊയതീ പ്രാണസങ്കടം
അറിഞ്ഞേകിയതീ മൌന നൊമ്പരം
കണ്ണീരുമായ് വിലപിക്കാന്‍ മത്രമറിയുന്നവളെ
എന്തു നല്‍ കി ഞാന്‍ ആശ്വസിപിക്കൂ..
നല്ല വാക്കുകള്‍ നല്‍ കും ശക്തിയില്‍
ജീവിച്ചിടാന്‍ പഠിപ്പിക്കട്ടെ ഞാനവളെ.
Subscribe to:
Post Comments (Atom)
No comments:
Post a Comment