കാത്തിരിക്കുമാ പൈതലിനെ...
--------------------
കണ്ടു ഞാനാ മിഴികളില്‍ സ്നേഹാര്‍ ദ്രമാം നൊമ്പരം
കേട്ടു ഞാനാ മൊഴികളില്‍ രാഗാര്‍ ദ്രമാം വിരഹം
കാത്തിരിക്കുമാ മനസ്സിന്‍ തേങ്ങലുകള്‍
അറിയുന്നില്ലാരുമീ ഭൂവില്‍
കളിപ്പന്തുമായ് ഓടിയെത്തുമെന്നിന്നും
സ്വപ്നം കാണുമാ മനസ്സുകള്‍ തന്‍ നൊമ്പരം
എന്നുമെന്നും നിലയ്ക്കാത്തൊരു തേങ്ങലായ് മാറിയതെന്തേ
ആരും അറിയാതെ പോയതെന്തേ...
കുഞ്ഞനിയത്തിയെ കാണ്മാന്‍ ഓടിയെത്തും
അരുമ പുത്രനെന്ന സ്വപ്നം
എന്നും മനസ്സില്‍ നിറയ്ക്കുമാ അമ്മ തന്‍ പ്രാണസങ്കടം
ഇനിയുമൊരു കടങ്കഥയായ് മാറുന്നതറിയുന്നുവോ
ചോദ്യങ്ങള്‍ ഏറെ കഴിഞ്ഞെന്നാലും കാലമേറെ ചെന്നെന്നാലും
കാത്തിരിക്കാനായ് നോമ്പു നോറ്റൊരമ്മ തന്‍ കണ്ണുനീര്‍
കാണുവാനാകുമൊ കാണേണ്ടവര്‍ ആരെങ്കിലും
കണ്ടെത്തീടുമൊ ആ അരുമ പൈതലിനെ???
Subscribe to:
Post Comments (Atom)
No comments:
Post a Comment