അറിയുന്നു ഞാന്‍ ......
------------------
പൂക്കളെപ്പോലെ ചിരിക്കാന്‍ കൊതിച്ചു ഞാന്‍
പൂന്തേനുണ്ണും പൂമ്പാറ്റയാവാന്‍ കൊതിച്ചു ഞാന്‍
ദേവപാദത്തില്‍ അര്‍ പിതമാകും തുളസിക്കതിരാവാന്‍
പുണ്യങ്ങള്‍ എന്തെന്നറിയാതെ ഉഴറുന്നു ഞാന്‍
അറിവുകള്‍ ഏറെ ഉണ്ടെന്നറിയുമ്പൊഴും
അറിവൊന്നുമില്ലെന്നറിയുന്നു ഞാനിന്ന്
കൊതിച്ചിടാമെന്തും എനിക്കായ് എന്നുമെന്നും
വിധിച്ചതെന്തെന്നു വഴിയേ മാത്രമറിയുന്നു
മനസ്സില്‍ ശുദ്ധമാം ചിന്തകളേകിയാല്‍
നല്കുന്നു ദൈവവും സ്വപ്ന സാക്ഷാത്കാരമൊന്നൊന്നായ്
അറിയുന്നു ഞാനാ ദൈവ മഹത്വം
അറിയാതെയെന്നില്‍ അനുഗ്രഹമരുളുമീ നിമിഷത്തില്‍
പൂക്കളെപ്പോലെ ചിരിച്ചിടട്ടെ ഞാനെന്നുമെന്നും
പൂമ്പാറ്റയായൊന്നു പറന്നിടട്ടെ
തുളസീമാലയായ് എന്നുമാ മാറില്‍ അണിഞ്ഞിടില്ലേ
പുണ്യങ്ങളെല്ലാം അറിഞ്ഞീടുമോ എന്നിലാ പുണ്യമെല്ലാം നിറച്ചീടുമോ.?
Subscribe to:
Post Comments (Atom)
No comments:
Post a Comment