സ്വപ്നങ്ങള് തന് ഓര് മ്മച്ചെപ്പിന്
ചിത്രപ്പൂട്ടൊന്നു തുറന്നോട്ടെ,
നിറങ്ങളേഴും പകര് ന്നൊരെന് കിനാക്കള്
മഴവില്ലു പോലെ മാഞ്ഞുപോയ്
മോഹങ്ങള് തന് മയില് പ്പീലി കൊണ്ടൊരു
കാവടി തന്നെ ഒരുക്കി വെച്ചു
മേളങ്ങള് ക്കൊടുവില് കൊഴിഞ്ഞൊരാ പീലികള്
മിഴികളെയാകെ ഈറനാക്കി
മിഴിനീരൊപ്പുവാന് നീട്ടിയ കൈകളില്
പൂത്താലമൊന്നൊരുക്കി നല് കി
പൂക്കളൊന്നൊന്നായ് വാടിയപ്പോള്
പൂത്താലം തട്ടിയെറിഞ്ഞകന്നേ പോയ്
ഇടറിയ മനസ്സുമായ് വിതുമ്പി നിന്നു
ഈറനണിയും മിഴികള് മറച്ചു നിന്നു
ചിരി കൊണ്ടു പൊതിയും വിഷാദ ഭാവം
കരളിലെ നൊമ്പരം മൂടി വച്ചു
സ്വപനങ്ങള് തന് ചിറകറ്റു വീണിട്ടും
വേഴാമ്പലായ് മഴത്തുള്ളി കാത്തിരുന്നു
നിലാമഴ പെയ്തിറങ്ങിയ നേരമൊരു
സ്നേഹഗായകന് അരികിലെത്തി
കനവുകള് ക്കിനിയും തിളക്കമേകി
മഴവില്ലു വീണ്ടും തെളിച്ചിടട്ടെ...
Subscribe to:
Post Comments (Atom)
2 comments:
ചിരി കൊണ്ടു പൊതിയും വിഷാദ ഭാവം
കരളിലെ നൊമ്പരം മൂടി വച്ചു
********
nice one
nalla varikal, nall bjaavam, I really feel jealous of you.
Post a Comment