മഴത്തുള്ളികിലുക്കത്തില്
കൈകോര് ത്ത് നമ്മള്
കൈത്തോടിലൂടെ
കളിവള്ളം ഒഴുക്കിയതോര് മ്മയില്ലേ,
തുഴയൊന്നുമില്ലാതെ ഒഴുകുമാ
വള്ളത്തില്
സ്വപ്നങ്ങളൊക്കെയും ഒഴുക്കിയപ്പോള് ,
നിലയില്ലാകയത്തില്
ചെന്നെത്തുമാ വള്ളത്തെയോര് ത്തു
കണ്ണീരൊഴുക്കിയില്ലേ ,
തേങ്ങും മനസ്സിനെ തടവിലാക്കി
അന്നു നമ്മള് പിരിഞ്ഞതല്ലേ ,
കാലം വരച്ചിട്ട വഴികളിലൂടെ
പിന്നെയും നമ്മള് യാത്രയായ്
തുമ്പയും തുളസിയും നിറയും തൊടിയില്
ഇന്നിനി നമ്മള് തിരയുവതെന്തേ
കൈവിട്ടു പോയൊരു ബാല്യ കുതൂഹലതയോ
കൌമാരസ്വപ്നത്തിന് വര് ണ്ണചീളുകളോ
എത്ര തിരഞ്ഞാലും കാണുമോ
നമ്മുടെ കാപട്യമില്ലത്ത ബാല്യകാലം
കാണുന്നില്ലേ നീയീ നിറച്ചാര് ത്തിലലിയും
കപടമാം ജീവിത സത്യം !!
Subscribe to:
Post Comments (Atom)
No comments:
Post a Comment