തീരാദു:ഖം ::

ചിതറിത്തെറിച്ചൊരു ചുടു നിണമെന്‍ മുന്നില്‍
ചാലിട്ടൊഴുകിയപ്പോള്‍
പിടയുമെന്‍ കുഞ്ഞുപെങ്ങളെ വാരിപ്പിടിച്ചു ഞാന്‍
വാവിട്ടു കരഞ്ഞപ്പോള്‍
അറിഞ്ഞില്ല യെന്‍ അമ്മയും അച്ഛനും
ജീവനറ്റ മൃതശരീരങ്ങളായ് മാറിയെന്ന്

കൂകിപ്പായും തീവണ്ടിയറിഞ്ഞില്ല
നെന്ചോടു ചേര്‍ ത്തവര്‍ ഞങ്ങളെ കൊണ്ടുവന്നത്
ചിതറിത്തെറിപ്പിക്കാന്‍ ആയിരുന്നെന്ന്
കൈതട്ടിമാറ്റിയകന്ന ഞാനൊരനാഥനായ് തീരുമെന്ന്

കണ്ണുനീര്‍ മാത്രം ബാക്കി നല്‍ കിയവര്‍
എന്നെ തനിച്ചാക്കി വിട്ടുപോയ്
ഏതു ജന്മത്തിന്‍ പാപഫലമെന്നറിയാതെ
തീരാദു:ഖത്തില്‍ ഞാന്‍ തനിച്ചായ്

ഏകനായ് ഞാന്‍ നടന്നീടുമെങ്കിലും എന്നും
കേള്‍ ക്കാതെ പോകുവാനാകുമോ ഈ നിലവിളികള്‍
ഒരു നൊമ്പരമായെന്നും പിന്തുടരുമീ
തേങ്ങലുകള്‍ ...