ഇളം കാറ്റിലുലയുമീ ഇലച്ചാര് ത്തുകള്
എന് പ്രിയനുടെ മൃദുഗാനം മൂളുന്നുവോ
എന്നരികിലണയാന് കാത്തിരിക്കുമവനോടായ്
കിന്നാരമോതുവാന് പോകാമോ പൂങ്കാറ്റേ
വരുമെന്ന കിനാവില് മനമാകെ പൂത്തുലയവേ
ഈ ഹൃത്തടത്തിന് തുടിപ്പുകള്
ഗാനമായ് ഒഴുകിടുമ്പോള്
അതേറ്റു ചൊല്ലുവാന് നീ വരില്ലേ
കുഞ്ഞിളം കാറ്റായെന്നെ തഴുകിടുമ്പോള്
അറിഞ്ഞിടുന്നു ഞാനാ മൃദു സ്പര് ശനം
കാറ്റിലൊഴുകിയെത്തുമാ ശം ഖൊലി നാദം
നിന് സ്വരമായെന്നെ പൊതിഞ്ഞിടുന്നു
അറിയാതെ അറിയുന്നു ഞാനിന്നും
നീയരികിലെത്തുമാ സുവര് ണ്ണ നിമിഷം
അറിഞ്ഞിട്ടും അറിയാതെ നീ പോകരുതേ
എന്നുള്ളില് നിറഞ്ഞിടും നൊമ്പരങ്ങള്
നീയരികിലണഞ്ഞിടുമ്പോള്
അലിഞ്ഞിടാം ഒരു മഞ്ഞു തുള്ളി പോല്
കനവുകള് നിനവുകളായ് മാറുമ്പോള്
മായാമയൂരമായ് നിനക്കായ് പീലി വിടര് ത്തീടാം ...
Subscribe to:
Post Comments (Atom)
No comments:
Post a Comment